Habitu primo secotioideo, postea interdum agaricoideo. Pileo globoso vel ovoideo et margine inferiori stipiti adpresso, dein convexo vel campanulato marginem versus semper involuto et lamellis partim exposito, squamuloso, sicco, estriato. Lamellis adnatis vel subdecurrentibus, bene evolutis, acie floccosa instructis, tabacinis, ferrugineis vel cinnamomeis. Stipite cylindraceo, cavo, dense fibrillis veli obtecto, sicco. Caro haud gelatinosa. Odore saporeque nullo. Sporis ellipticis, poro germinativo conspicuo instructis, tenuitunicatis, levibus, ferrugineobrunneolis. Basidiis 4-sporigeris. Cheilocystidiis conspicuis, clavato-cellulosis vel lageniformibus, hyalinis. Epicute ex hyphis repentibus vel suberectis trichodermio formantibus, membrana tenuitunicata et haud gelatinosa instructis, hyalinis. fbuligeris. Ad terram inter folia deiecta. Novazelandia.

Typus generis:  Ag. (Naucoria) galanthina Cooke and Massee Ap. Cooke, Grevillea 19:1.1890. = Tympanella galanthina (Cooke and Massee) Hk. comb. nov.