Pileus absque stipite lateraliter insidens vel stipite exiguo instructus, 10-30 mm. orbiculari-reniformis, lobis duobus punctum insertionis amplectantibus, dein paulisper effuso-reflexus vel latere angustato insidens, C. mollem Schaeff, habitu in mentem revocans, sed probabiliter absque strato gelatinoso, superficie glaber, in speciminibus exsiccatis subtiliter irregulariter (exsiccatione) sulcatus. Lamellae ferrugineo-fuscae, forma, magnitudine et colore ut in C. molli. Sporae late ellipsoideae, quam in C. molli latiores, 11-12 x 8.3-8.6 µ, luteo-ferrugineae, poro germinativo vix visibili instructae, sat crasse tunicatae, paulisper obscurius, quam in C. molli. Schaef europaeo, coloratae.

C. ubero B. & C. probabiliter proximus, a quo differt sporis paulisper aberrantibus.

Hab. Nova Zealandia, leg. Rev. W. Colenso, xii. 1885. Typus in herbario Kewensi sub C. alveolo (Lasch) Karst. (under Fagus log, No. 381).